Zhvillimi i qëndrueshëm është dhe duhet të jetë një çështje e rëndësishme në jetën tonë.
Ndryshimi global i klimës ka përqendruar vëmendjen në emetimet e CO2 dhe përdorimin efikas të burimeve të kufizuara të energjisë, të cilat mund të harxhohen shumë më shpejt se sa që mund të formohen.
Gjatë një viti, planeti ynë ka një potencial të kufizuar për të rinovuar burimet e konsumuara nga ne dhe për të absorbuar mbeturinat që ne i prodhojmë. Aktualisht, natyrës i nevojiten 16 muaj për të ripërtërirë atë që ne e konsumojmë brenda 12 muajve. Kjo do të thotë, që ne jemi duke i shfrytëzuar burimet e gjeneratave të ardhshme.
Në Protokollin e Kiotos dhe në kontekstin e politikave rreth klimës dhe energjisë, Bashkimi Evropian po merr iniciativa afatgjata të energjisë deri në vitin 2030 dhe 2050. Kjo do të thotë që tani është i nevojshëm një veprim urgjent për të përmbushur objektivat dhe për të përmbushur nevojat e gjeneratave të ardhshme.
Meqenëse pjesa më e madhe e energjisë shpenzohet në ndërtesa (40% për ndërtesa kundrejt 32% për transport dhe 28% për industri), përpjekjet janë përqendruar në uljen e konsumit të energjisë në këtë fushë.
Ndërtesat tona zakonisht përdoren për një periudhë shumë të gjatë kohore. Prandaj, vëzhgimi i gjithë ciklit të jetës të një ndërtese mund të na ofrojë një dëshmi për kualitetin aktual të asaj ndërtese.
Kriteret e qëndrueshmërisë
Qëndrueshmëria është një qasje gjithëpërfshirëse, duke marrë parasysh tre shtyllat e qëndrueshmërisë (ndërtesat - cilësia ekologjike, ekonomike dhe socio-kulturore) dhe ndërveprimet mes tyre.
Për industrinë e ndërtimit mund të burojnë kritere të ndryshme nga këto tri dimensione.
1. Kualiteti ekologjik (ndikimi mjedisor)
Në aspektin e cilësisë ekologjike merret parasysh konsumi i resurseve (p.sh. konsumi i lëndëve të para dhe energjia) dhe ndikimi i tyre në dëmtimin ekologjik (p.sh., ngrohja globale, ozoni).
2. Kualiteti ekologjik (ekonomia)
Në aspektin e cilësisë ekonomike merren parasysh kryesisht kostot e ndërtimit, përdorimit dhe të rrënimit.
3. Kualiteti socio-kulturor (komfori)
Në aspektin e cilësisë socio-kulturore merren parasysh dizajni, estetika dhe qasja, si dhe shëndeti dhe rehatia.
Ashtu si shumë organizata dhe kompani, edhe URSA dëshiron të marrë një qëndrim kundër ndryshimit të klimës, si një kompani e qëndrueshme dhe e ndërgjegjshme për mjedisin. Materialet izoluese të URSA ushtrojnë një ndikim pozitiv në të gjitha 3 kriteret kryesore të qëndrueshmërisë.
Në shembullin e URSA PUREONE kjo reflektohet si në vijim:
- Produkti është i përbërë kryesisht nga qelqi i ricikluar (mbrojtja e burimeve natyrore)
- Produkti ofron izolim të shkëlqyeshëm termik (reduktim i konsumit të energjisë gjatë përdorimit)
- Produkti përdor një lidhje ekologjike akrilike me bazë uji (duke përmirësuar cilësinë e hapësirës ajrore)
Produktet e URSA ndikojnë në një sërë kriteresh individuale dhe në këtë mënyrë përmirësojnë qëndrueshmërinë e një ndërtese.
Jetëgjatësia (LifeCycleAnalysis)
Si pjesë e analizës së jetëgjatësisë, optimizimi i të gjithë faktorëve ndikues ka për synim gjithë ciklin jetësor të një ndërtese - që nga nxjerrja e lëndës së parë tek ndërtimi dhe përdorimi e deri te rrënimi.
Deklaratat e Produkteve Ekologjike (EPD)
Efektet e produkteve të ndërtimit në qëndrueshmërinë e ndërtesave janë të përshkruara në deklaratat e produkteve ekologjike. Deklarata na jep informata mbi përdorimin e energjisë dhe resurseve dhe shkallën në të cilën produkti kontribuon në efektin serrë, acidifikimin, eutrofikimin, shkatërrimin e shtresës së ozonit dhe formimin e smogut. Përveç kësaj, jepen informacione për karakteristikat teknike, të cilat janë të nevojshme për vlerësimin e performancës së produktit ndërtimor në ndërtesë, siç janë jetëgjatësia, izolimi termik dhe izolimi i zërit, ose ndikimi në cilësinë e ajrit të brendshëm.
